ឥណ្ឌូនេស៊ី៖ នៅថ្ងៃទី១៥ ខែធ្នូ ឆ្នាំ២០១៩ ឯកឧត្តមទេសរដ្ឋមន្ត្រី អូស្មាន ហាស្សាន់ បានអញ្ជើញចូលរួម និងផ្តល់បឋកថា ក្នុងពិធីប្រគល់សញ្ញាបត្ររបស់សាកលវិទ្យាល័យជាតិប៉ាដាំង (UNP) ខេត្តស៊ូម៉ាត្រា សាធារណរដ្ឋឥណ្ឌូណេស៊ី ដល់និស្សិតចំនួន ៣០០០ នាក់។ UNP គឺជាសាកលវិទ្យាល័យ ធំជាងគេនៅក្នុងខេត្តស៊ូម៉ាត្រាខាងលិច ដែលមាន ៨មហាវិទ្យាល័យ ដោយបច្ចុប្បន្នមាននិស្សិតកំពុងសិក្សាចំនួន ៤៣,០០០ នាក់។
ក្នុងឱកាសនោះ ឯកឧត្តមទេសរដ្ឋមន្ត្រី អូស្មាន ហាស្សាន់ ក្នុងនាមប្រធានសមាគមសហភាពបញ្ញវន្តមុស្លិមកម្ពុជា (CMIU) បានចុះអនុស្សរណៈ នៃការយោកយល់គ្នា ជាមួយ UNP ដើម្បីពង្រឹង លើកកម្ពស់ អភិវឌ្ឍការវិស័យអប់រំ ផ្សារភ្ជាប់ទំនាក់ទំនង និងកិច្ចសហប្រតិបត្តិការរវាងភាគីទាំងពីរ។ ជាមួយគ្នានេះ UNP ក៏បានសម្រេចផ្តល់អាហារូបករណ៍ដល់និស្សិតកម្ពុជា (មុស្លិម និង មិនមែនមុស្លិម) ទៅសិក្សានៅទីនោះ ចំនួន ១៥ នាក់ជារៀងរាល់ឆ្នាំ ចាប់ពីឆ្នាំ២០២០ ផងដែរ៕
